Tikinti materialları və konstruksiyaları istehsalı

Təsərrüfatın inkişafı, əhalinin yaşayış şəraitinin yaxşılaşdırılması tikinti materialları sənayesi olmadan mümkün deyil.
Bu sənaye 3 əsas sahədən ibarətdir.

1. Mineral-tikinti xammalının (qum, çınqıl, daş, mərmər) çıxarılması;

2. Mineral materiallarının (sement, gips, əhəng) istehsalı;

3. Divar materialı, kimyəvi tikinti məmulatları və dəmir-beton konstruksiyaların hazırlanması.

Respublikamızda əsas tikinti xammalı mişarlıq əhəng daşı, but daşı, üzlük əhəng daşı, kərpic və kirəmit gili, çınqıl-qum, sement xammalı, mərmər və s.-dir. Abşeron və Kiçik Qafqaz daha zəngin xammal ehtiyatlarına malikdir.

Tikinti sənayesi məhsullarına sement, dəmir-beton konstruksiyalar və panellər, kubik-mişar daşı, kərpic, şüşə, şifer, asbest-sement boru, istilik-izolyasiya, polimer-tikinti materialları, linoleum, santexnika, kimyəvi qapı-pəncərə məmulatları daxildir.

Tikinti sənayesinin əksər müəssisələri, xammal bolluğu və yüksək tələbatla bağlı Abşeronda cəmlənmişdir. Burada tikinti daşları, sement xammalı, şüşə və tikinti qumu, bitum, keramika xammalı və s. var. Respublikada tikinti-quraşdırma işlərinin 60%—i Abşeronun payına düşür. Qaradağ, Güzdək, Şüvəlan, Korgöz daş karxanaları, Qaradağ sement, Bakı asbestsement, dəmir-beton konstruksiya zavoddan, plastik qapı-pəncərə, müxtəlif santexnika məmulatları müəssisələri, Sum-qayıt şüşə zavodu və s.  əsas müəssisələrdir.

Gəncə-Qazax iqtisadi rayonunda təbii tikinti materiallarının bolluğu və geniş tələbat Gəncə iri panelli evtikmə, sənaye-tikinti kombinatı, Qazax və Qovlarda dəmir-beton məmulatları, Qazax və Zəyəmdə daş karxanaları, Daşkəsən və Tovuzda tikinti kombinatlarının yaranmasına səbəb olmuşdur.

Mingəçevirdə dəmir-beton məmulatları, iri panelli evtikmə, termik-izolyator istehsalı aparıcı sahədir. Qarabağda Ağdam, Xan-kəndi, Bərdə, Horadiz, Aşağı Kürdə Şirvan, Hacıqabul, İmişli, Bəhramtəpə və s. tikinti qovşaqları mövcuddur.

kataloq-dan Sizi maraqlandıran bölməyə keçib, materiallar haqda informasiya ala bilərsiniz.